Ermənilər Rusiyaya qarşı

Son vaxtlar Rusiya mətbuatında Ermənistanın Rusiyadan narazılığı ifadə edən məqalələrə rast gəlmək olur. Onlardan birini təqdim edirik.
Son vaxtlar Ermənistana münasibətdə Rusiya çox əsəbi haldadır. Putin Ermənistana səfər etmədi, bunun əvəzində ölkədə rusiyalı müxtəlif ekspertlərin zehni imperiya məşqləri barədə məlumatlar daxil olur. Rusiyanın səlahiyyətli şəxsləri də Ermənistana münasibətdə özünü ağıllı göstərməklə məşğuldur. Üstəlik mütəmadi olaraq Ermənistana Rusiyanın ekspert və təşviqat agentura desantı göndərilir. Əslində ilk baxışdan narahatlıq və dəhşət doğuran bütün bunlar şimal “dostumuzun” qorxusundan xəbər verir.
Əlbəttə Rusiyanın qorxudan Ermənistan deyil. Rusiya müasir və beynəlxalq tendensiyalardan, Qərbin aşkar üstünlüyə malik olduğu sivilizasiyanın siyasi rəqabət tendensiyasından vahiməyə düşür.
Bu yaxşıdır, ya pis – başqa söhbətin mövzusudur. Fakt odur ki, Rusiya həqiqətən də narahatdır, çünki bu ölkə özünün “ayı” imicinə baxmayaraq heç cür effektiv və sistemli şəkildə özünün xarici siyasət maraqlarını qoruya bilmir. O cümlədən də Ermənistanda.  
Ilk baxışdan elə görünür ki, Rusiyanın Ermənistanda hər şeyi var: geniş və təsirli hakim və müxalif sədaqətli siyasi dairələrindən tutmuş kardinal ictimai stereotiplərə qədər. Ancaq Moskva hiss edir ki, artıq vaxtdır, sivilizasiyaların rəqabəti hər şeyi əlindən alır, çünki onları artıq köhnəlir. Rusiyanın isə siyasi, iqtisadi və mədəni planda yeni texnoloji vəsaitləri yoxdur. Rusiyaya yalnız şantaj, qorxutmaq qalır. Nəhəng “ayı” məhz bununla məşğuldur. Rusiya Ermənistanı onsuz batacağına inandırmaq istəyir. Buna əlbəttə ki, “qardaşyana məsləhətə, yaxud xəbərdarlıq”  kimi yanaşmaq olar. Ancaq problem ondadır ki, bütün bunların tonallığı əksini göstərir və onu deməyə əsas verir ki, əslində Moskva Ermənistanda itdiyini dərk edir. Buna əlbəttə ki, yalnız Ermənistandaxili proseslər səbəb olmayıb. Bu sadəcə olaraq Rusiyanın qlobal Qərb-Rusiya qarşıdurmasında məğlubiyyətinin təzahürlərindən biridir. Özü də söhbət sivil məğlubiyyətdən gedir. Yəni, Rusiya sivilizasiyası məğlub olur, çünki o həyat qabiliyyətini itirib, yaradıcılıq potensialının üzə çıxmasını təmin etmir. Deməli hətta bu potensial Qərbdən çox olsa da, onun səmərəliliyi aşağıdır və bu potensial insan keyfiyyətlərini deqradasiyaya uğradır və instinktləri irəli çəkir.  
Mahiyyətcə, Ermənistan bu gün Rusiyadan uzaqlaşır. Bu da müəyyən dərəcədə “elitanın” instinktlərinin üzə çıxmasıdır. “Elitanın” bu instinktlərini məhz Rusiya oyadıb və qoruyub. Necə deyərlər “ilanı sinəsində bəsləyib”. Ancaq əlbəttə ki, Ermənistan proseslərini yalnız “elitanın” instinktlərinin üstünə atmaq olmaz. Çünki Ermənistanda düşünən insanlar kütləsi üçün Ermənistanın sivil formada oriyentasiyasını dəyişməsi üçün emosiya və stereotipsiz tutarlı əsas var. ancaq bununla belə Moskvanı “elitanın” instinktləri narahat edir. Çünki Rusiya yaxşı dərk edir ki, bu halda situasiya artıq dönməz xarakter alacaq.