Bu gün Türkiyənin Milliyyətçi Hərəkat Partiyasının (MHP) X qurultayı keçirilir. “Qafqazinfo”nun Türkiyə mətbuatına istinadən verdiyi məlumata görə, MHP qurultayını Ankara Arena İdman Sarayında keçirir. MHP-nin 10-cu qurultayını Türkiyədən də daxil omaqla 800 jurnalist müşahidə edir. Qurultayda partiyanın 1241 üzvü səsvermə hüququna malikdir.
Dövlət Baxçalı başqanlıq uğrunda 6-cı dəfə mübarizə aparacaq. MHP başqanlığı uğrunda 10 nəfər mübarizə aparır. Baxçalının ən güclü rəqibinin keçmiş nazir, Trabzon millət vəkili Koral Aydın olduğu bildirilir. K.Aydın ikinci dəfə D. Baxçalıya qarşı yarışacaq.
APA-nın Ankaraya ezam olunmuş əməkdaşının məlumatına görə, qurultaya Azərbaycan, Kosova, Bosniya-Hersoqovina, Serbiya, Suriya və digər ölkələrdən də heyətlər qatılıblar.
Azərbaycandan VHP sədri, millət vəkili Sabir Rüstəmxanlı, Ədalət Partiyasının sədri, millət vəkili İlyas İsmayılov, Müsavat başqanı İsa Qəmbər, “Yeni Müsavat” qəzetinin baş redaktoru Rauf Arifoğlu da iştirak edirlər.
***
Başqanlıq uğrunda başlayan yarışda Türkiyənin Milliyyətçi Hərəkat Partiyasının lideri Dövlət Baxçalı çıxış edib. “Qafqazinfo”nun Türkiyə KİV-nə istinadən verdiyi xəbərə görə, MHP başqanı 2 saat davam edən çıxışında baş nazir Rəcəb Tayyib Ərdoğanın 2071-ci illə bağlı hədəflərindən danışıb. Onun sözlərinə görə, Ərdoğanın 2071-ci hədəflərində türk, türk vətəni yoxdur.
Baxçalı Ərdoğanın 2071-ci il hədəflərinin tamamilə aldadıcı və əsas mahiyyətindən uzaq olduğunu əlavə edib: “Bu gedişlə Malazgird zəfərinin birinci il dönümündə Anadoluda türk milləti qalmayacaq.
“Türkiyə 10 ildir AKP iqtidarı tərəfindən idarə olunur. Türk milləti AKP hökumətinin rəhbərliyi altında pərişan olub.
AKP iqtisadiyyatı beynəlxalq arenadakı dostlarına ipoteka etdirib. AKP qanlı hücumlara yol açıb.
AKP-nin səbəb olduğu təhlükələr artıq heç bir şeyə sığmayacaq qədər ağırlaşıb.
AKP-yə illərdir “türk millətinin kimliyi ilə uğraşmayın” dedik. Haqlı çıxdıq.
Qonşu coğrafiyalardakı üsyanlara qarışmayın, yoxsa Türkiyəni məçhul bir yola sürüklərsiniz dedik, haqlı çıxdıq”.
Bağçalı həmçinin Milli Sazişin mətnini də təqdim edib:
1. Türkiyə dövləti küçədə tapılmyıb. Küçələrə, terrora və AKP-yə təslim etməyəcəyik.
2. Türkiyə Cumhuriyyəti Dövləti təkdir, ölkəsi bütündür.
3. Türkiyə Cumhuriyyəti Dövlətinin qurucusu və sahibi böyük türk millətidir.
4. Türkiyə Cumhuriyyəti Dövlətinə vətəndaşlıq bağıyla bağlı olan hər kəsin din, dil məzhəbinə baxılmadan türk millətinin bərabər və hörmətli fərdləridir.
5. Türk millətinə yeni vətəndaşlıq axtarışları faydasızdır.
6. Türk milləti varsa, Türkiyə Cumhuriyyəti Dövləti də hər zaman var olacaqdır.
7. Türkiyə Cumhuriyyəti Dövlətinin varlığına türk millətçiləri sağ olduqdan sonra kimsə son xəyanəti zərbəsinə vura bilməyəcək.
8. Bu səbədən ülkücü hərəkatın səssiz, laqeyd qalması da əsla düşünülməsin.
9. Türkiyə bizimdir, bu əziz vətən hamımızındır.
İnformasiya şöbəsi
