“Iki ildir ki, oğluma qarşı dələduzluq əməli törətmiş şəxslərlə barədə tədbir görülmür. Istintaq bu işi qeyri-obyektiv apararaq məhkəməyə göndərib. Məhkəmə də istintaqın oyunlarını davam etdirir”.
Bu sözləri Ağdamdan olan məcburi köçkün, şəhid atası Əli Hüseynov baş prokuror Zakir Qaralova ünvanladığı müraciətdə yazıb. Əli Hüseynov deyir ki, oğluna qarşı törədilmiş cinayət işinə hazırda məhkəmədə baxılsa da, o, bu işin istintaqını aparan Yasamal Rayon Prokurorlduğundan şikayətçidir: “Cənab baş prokuror, ona görə də sizə müraciət edirəm. Yasamal Rayon Prokurorluğunu müstəntiqi Sahibəli Isgəndərov oğlu qarşı törədilmiş dələduzluq əməli ilə bağlı cinayət işinin istintaqını qeyri-obyektiv aparıb. Təsəvvür edin, oğlum bu işdə zərərçəkmiş olduğu halda istintaq onu şahid kimi işə cəlb edib. Dələduzlardan biri isə nə qədər absurd olsa da, zərərçəknmiş kimi tanınıb. Əgər bu işdə mənim oğluma 4532 manat zərər dəyibsə və bu faktı Aslan və Məmməd adlı dələduzlar istintaqa etiraf edibsə, mənim oğlum niyə zərərçəkən kimi tanınmalıdır? Sahibəli Isgəndərovdan bu sualını cavabını soruşmaq lazımdır. Açıq-aydın görünür ki, müstəntiq şəxsi maraqları üzündən istintaqı belə qeyri-obyektiv aparıb.
Hazırda bu işlə bağlı məhkəmə gedir. Məhkəmədə də dövlət ittihamçısı oğlumun zərərçəkmiş kimi tanınmasına qarşı çıxır. Görünür, onun da hansısa maraqları var. Ümumiyyətlə, bu adamlar prokurorluq orqanlarına yaraşmayan hərəkətlər edirlər. Sizdən bir şəhid atası kimi xahiş edirəm ki, məni qəbul edəsəniz, baş verənləri geniş şəkildə sizə çatdırım”.
Zakir Qaralova prokurorlardan şikayət
•
•
