Onunla birgə İstanbulun indiki bələdiyyə sədrinin də edamı planlaşdırılırmış
Türkiyədə fəaliyyəti qadağan olunmuş “Rifah” partiyasından keçmiş Kayseri bələdiyyə başqanı Şükrü Karatəpə parlamentdə yaradılmış “28 fevral” işinin araşdırlması üzrə alt komissiyaya ifadəsində ilginc məlumat verib. Əlavə edək ki, 28 fevral 1997-ci ildə Nəcməddin Ərbakanın başçılıq etdiyi hökumət gözlənilmədən istefaya göndərilmişdi. Sonradan bu hadisə Türkiyə tarixinə “28 fevral-sivil çevriliş” kimi düşüb. Ötən aylarda isə həmin hadisənin araşdırılması və hüquqi qiymət verilməsi məqdəsiylə Türkiyə Böyük Millət Məclisində (TBMM) xüsusi komissya yaradılıb.
Hadisələrlə bağlı ifadə verən Karatəpə Kayseri hərbi qarnizonunun komandiri Sadəttin Kukulun “Çevriliş edəcəyik, Melihi və Tayyibi asacağıq” dediyini söyləyib. Qeyd edək ki, komandir Melih dedikdə İstanbulun indikli bələdiyyə başqanı Melih Gökçə, Tayyib dedikdə isə indiki baş nazir Rəcəb Tayyib Ərdoğanın nəzərdə tutub:“Qarnizon komandiri “qəbula xanımlarınızla gələcəksiniz, sizi məcburi gətirərəm” dedi. Komandir “çevriliş edib Melihlə Tayyibi asacağıq. söylədi. Mənə isə “qorxma səni asmarıq. Sən müasir, dünyəvi adamsan” dedi”.
