Türkiyənin Millətçi Hərəkat Partiyasının qurultayında iştirak etmək üçün bu ölkəyə gedən Güney Azərbayjan Milli Oyanış Hərəktanın (GAMOH) sədri Mahmudəli Çöhrəqanlı Ankaranın hava limanından geri qaytarılıb. Bu barədə “Azadlıq”a məlumatı Mahmudəli Çöhrəqanlını qarşılamağa çıxanlar verib. “Mahmudəli bəy, oğlu ilə Türkiyə gəlmişdi. Oğlunu Türkiyəyə buraxsalar da, özünü elə gəldiyi təyyarə ilə geri qaytardılar”, – deyə şahidlər bildirib. Ankara Esenboğa aeroportuna Mahmudəli Çöhrəqanlını qarşılamaq üçün MHP-dən kimsə gəlmədi. Partiyada Çöhrəqanlı ilə bağlı ciddi problemin olacağını bilsələr də, onu sanki Ərdoğanın acığına dəvət etmişlər kimi bir görüntü yaratdılar və partiyanın səlahiyyətli adamlarından heç kimsə aeroportda görünmədi.
Aydın Taş/ Ankara
