Baş nazir prezidentə qarşı çıxan qızların azadlığa buraxılmasını istədi
Rusiyanın baş naziri Dimitri Medvedev Moskvadakı kilsələrdən birinə girərək Putinə qarşı şüarlar səsləndiriklərinə görə 2 il azadlıqdan məhrum edilən “Pussy Riot” qrupunun üzvlərinin azadlığa buraxılmasının lazım olduğunu söyləyib. Medvedev “RIA Novosti” agentliyinə açıqlamasında maraqlı fikirlər səsləndirib. Baş nazir deyib ki, o, hakim olsaydı fəal qızların həbsinə qərar çıxarmazdı. Medvedev “Pussy Riot”çuların həbsdə qalmalarının duzğun olmadığını deyib.
Əlavə edək ki, beynəlxalq təşkilatlar fəal qızların məhz Putinə qarşı etiraz etidklərinə görə cəzalandırdıqlarını iddia edirlər. Putin isə Medvedevin əksinə olaraq məhkəmənin düzgün qərar çıxardığını bildirimişdi. Medvedevin bu açıqlamalarından sonra bəzi ekspertlər iddia edir ki, Putin-Medvedev münasibətlərində çatların olduğu aşkardır. Lakin baş nazirin son açıqlamaları isə Putinlə Medvedev arasında soyuq savaşın gücləndiyinə işarədir.
