Qasırğa ABŞ-a milyardlarla dollar ziyan vurub
ABŞ-ı cənginə alan “Sendi” qasırğasının qurbanlarının sayı artıb. Ən son məlumata görə, ən güclü qasırğalardan hesab edilən təbii fəlakət 74 nəfərin həyatına son qoyub. “Fox News”un məlumatına görə, xilasedicilərin qasırğanın nəticələrini aradan qaldıranda ölənlərin sayının artacağını istisna edilmir.
Qasırğa 10-dan çox ştata ziyan vurub. Daha çox zərər görən isə Nyu York və Nyu Cersi olub. Artıq fond birjası və hava limanları fəaliyyətini bərpa edib. Lakin hələdə 6 milyona yaxın insan elektrik enerjisizdir.
Qasırğa zəifləyəndən sonra isə bəzi şəhərlərdə infeksiya yaranma riski meydana gəlib.
Müxtəlif qiymətləndirmələrə görə, qasırğa ABŞ-a 15-30 milyard dollar ziyan vurub.
