MHP öznün qurultayında GAMOH lideriylə yanaşı Rəbiyə Kadiri də görmək istəyir
Türkiyənin Milliyyətçi Hərəkət Partiyası, noyabrın 4-də keçiriləcək qurultayına Türkiyəyə girişlərinə icazə verilməyən Şərq Türkistanın lideri Rəbiyə Kadir ilə Güney Azərbaycan Milli Oyanış Hərəkatının (GAMOH) lideri Mahmudəli Çöhrəqanlını dəvət edib. MHP-nin qurultayının diqqət çəkən bir cəhəti də qonaqları olacaq. Azərbaycan, Cənubi Azərbaycan, Şərqi Türkistan, Bolqarıstan, Rumıniya,
Krım, Şimali Kipr Türk Respublikası, Ahıska Türkləri, Moldova, Kosovo, Makedoniya, Bosniya-Herseqovina, Yunanıstan, İraq, İran, Suriya, Almaniya, Belçika, Çernoqoriya da yaşayan Türk liderlər qurultaya dəvət olunub.
MHP-nin Rəbiya Kadir və Mahmudəli Çöhrəqanlını dəvət etməsi, hakim Ədalət və İnkişaf Partiyasının öz qurultayına Şimali İraqdakı kürdlərin lideri Məsud Bərzaninin fəxri qonaq kimi dəvət etməsinə qarşı bir həmlə olaraq da şərh edilir. Hakim partiyanın bu addım qarşısında atacağı addım maraqla gözlənilir. Türk dünyasının iki mühüm lideriylə telefonda danışarkən onlar MHP-nin dəvətindən sonra Vaşinqtondakı Türkiyə səfirliyinə viza müraciəti etdiklərini və bu qadağaya son qoyulmasını arzuladıqlarını deyiblər. Mahmudəli Çöhrəqanlı qurultayın keçirildiyi gün Ankarada olacağını söyləyib.
Əlavə edək ki, MHP-nin qurultayında partiyanın yeni rəhbəri seçiləcək. Sədrliyə çoxlu sayda namizədin olduğu qurultayda əsas mübarizənin indiki lider Dövlət Baxçalı ilə keçmiş nazir Koray Aydın arasında olacağı gözlənilir.
Aydın Taş, Ankara
