«Forbes»in siyahısında Proxorov və Ivanişvilinin də adı var
Dünyanın ən aparıcı biznes jurnalı olan “Forbes” kainatın ən varlı siyasi xadimlərinin siyahısını açıqlayıb. Açıqlanan siyahıda dünyanın 16 tanınmış siyasətçisinin adı da var.
“Forbes”in yeni siyahısında yer alan siyasətçilərin dəqiq var-dövləti qeyd edilməsə də, onların varidatı 1 milyard dollardan çoxdur. Siyahıda birinci yeri Nyu York şəhərinin meri Maykl Blumberq tutub. “Bloomberg” informasiya agentliyinin yaradıcısı, 90-cı illərin sonunda siyasətə gəlib və 2001-ci ildə mer seçilib. Bu postda o, özünə 1 dollar maaş təyin edib və öz şəxsi biznesi hesabına yaşayır.
Ən varlı siyasətçilərin siyahısına ikinci yeri rusiyalı oliqarx Mixail Proxorov tutur. “Vətəndaş platforması” partiyasının lideri siyasətlə 2011-ci ildən məşğuldur.
Üçüncü yerdə gürcü milyarder Bdzina Ivanişvili qərarlaşıb. Rusiyada öz kapitalını qazanan Ivanişvili siyasətlə Gürcüstanda məşğul olmağa başlayıb. Onun rəhbərlik etdiyi “Gürcü arzusu” hərəkatı parlament seçkisində qələbə çalıb.
Dördüncü yerdə Italiyanın keçmiş baş naziri Silvio Berluskonidir. O, 3 dəfə Italiya Nazirlər Kabinetinə başçılıq edib. Berluskoni özünə məxsus holdinqin vergidən yayınması ittihamıyla məhkəmə qarşısına çıxarılıb.
Ilk beşliyi ABŞ-da iki dəfə prezidentliyə namziəd olan Henri Ross Pero qapayır.
