Sahil Kərimli şantaj dolu siyasi statusunu pozmalı oldu
DİN-in mətbuat xidmətinin əməkdaşı, keçmiş “Lider”çi Sahil Kərimlinin şantaj dolu siyasi bıyanatı barədə yazdıqlarımız reaksiya doğururb.
Bu gün səhər saatlarında Kərimli ötən günlərdə “Azadlıq” və “Yeni Müsavat” qəzetləri, bütövlükdə müxalifət əleyhinə yazdığı əxlaqa, ümumdavranış etikasına, ən başlıcası qanuna zidd qeydlərini pozmaq məcburiyyətində qalıb.
Az sonra bəlli olub ki, S.Kərimli bu addımı öz xoşuna atmayıb. DİN mətbuat xidmətinin əməkdaşı Orxan Mənsurzadə “Yeni Müsavat”a açıqlamasında bu barədə “Azadlıq”da dərc olunan məqaləni şərh edərək Sahil Kərimli ilə bu barədə söhbət aparıldığını deyib: “Bildirmək istəyirəm ki, bu, Daxili İşləri Nazirliyinin və mətbuat xidmətinin mövqeyi deyil, Sahil Kərimlinin şəxsi fikirləridir. Sahil Kərimli isə polis işçisi deyil, rütbə daşımır, sadəcə müqavilə əsasında mətbuat xidmətinin çəkiliş qrupunda çalışır, bəzən televiziyalar üçün material hazırlayır”.
Orxan Mansurzadə şantaj və siyasi məzmunlustatuslar yazmasının yolverilməzliyinin S.Kərimlinin nəzərinə çatdırıldığını deyib.
