Müxalifət lideri polisin sərt müdaxiləsiylə üzləşib
Türkiyədə 29 oktyabr Cümhuriyyət günü münasibətiylə keçirilən aksiyalar insidentsiz ötüşməyib. Ana müxalifət partiyası CHP-nin təşkil etdiyi icazəsiz aksiya zamanı polislə nümayişçilər arasında toqquşma yaşanıb. İlk parlament iclasının keçirildiyi binanın qarşısına keçmək istəyən CHP lideri və 50 millət vəkili polisin sərt müdaxiləsiylə üzləşib. Aksiya iştirakçıları polisin qurduğu baryeri keçmək istəyərkən təhlükəsizlik qüvvələri buna mane olmaq istəyib. Polis müxaliflət liderinə qarşı gözyaşardıcı qazdan istifadə edib.
Mühafizəçiləri tərəfindən ərazidən uzaqlaşdırılan Kamal Kılıçdaroğlu jurnalistlərə açıqlamasında bu il keçirilən bayramın tarixə ləkə kimi yazılacağını bildirib:“Tariximizə yaraşmayan Cunhuriyyət bayramı keçiririk. Bu mənzərə Türkiyənin üzqarasıdır. Bayramlarımızı xalqdan ayırmaq istəyirlər”.
Aydın Taş, Ankara
