Bakıda bir neçə tanınmış şadlıq sarayı söküləcək

Bakının bir neçə tanınmış şadlıq sarayı söküləcək. Bu barədə “OLAYLAR” agüntliyi məlumat yayıb. Məlumata görə, söküntü aparılan ərazi paytaxtın Binəqədi rayonu ərazisindədir. Rayonun 9-cu mikrorayonu ərazisində yol kənarında fəaliyyət göstərən restoranlara artıq xəbərdarlıq da edilib. Məlumata görə, artıq həmin ərazidə yol kənarında fəaliyyət göstərən “Sona”, “Üzeyir”, “Leyla”, “Tərlan” və “Millenium” şadlıq saraylarına bu barədə xəbərdarlıq edilib. Obyekt sahiblərinə şadlıq evlərinin sökülüb yoldan kənarda inşa edilməsi tapşırılıb. Məlumata görə, həmin restoranlar həyətləri olmadığı və avtomobil yollarına maneçilik törətdikləri üçün köçürülür. Yaxın günlərdə həmin restoranların söküntüsünə başlanacağı bildirilir.