Məhəmməd Məcidli partiyada daha yuxarı vəzifəyə təyin edildi
AXCP-də yeni təyinat olub. AXCP İctimaiyyətlə Əlaqələr şöbəsinin müdiri, keçmiş vicdan məhbusu Məhəmməd Məcidli partiya sədrinin müşaviri təyin edilib.
Məhəmməd Məcidli 1973-cü ildə Cəbrayıl rayonunun Böyük Mərcanlı kəndində doğulub. 1990-92-ci illərdə Böyük Mərcanlı kəndində müəllim işləyib. 1992-ci ildən Dağlıq Qarabağdakı döyüşlərdə iştirak edib, iki dəfə yaralanıb, müharibə veteranıdır.
2006-ci ildə BDU-nun tarix fakültəsini magistratura pillələsində bitirib. 2006-2009-cu ildə Azərbaycan Milli Elmlər Akademiyasının Tarix İnstitutunda aspirantura təhsili alıb. «Azərbaycanın ərəb ölkələri ilə əlaqələri» (1991-1996-cı il) mövzusunda dissertasiya işi yazıb.
1989-cu ildən AXC, 1995-ci ildən AXCP üzvüdür. 2002-2011-ci illərdə AXCP BDU şöbəsinə rəhbərlik edib. 2010-cu ildə Cəbrayıl-Qubadlı seçki dairəsindən AXCP-nin deputatlığa namizədi olub. 2011-ci ildə AXCP İctimaiyyətlə Əlaqələr şöbəsinin müdiri təyin olunub.
İctimai Palatanın 2 aprel 2011-ci ildə keçirdiyi aksiyada həbs olunub, 2 il 6ay müddətinə azadlıqdan məhrum edilib. “Amnesty İnternational” tərəfindən vicdan məhbusu elan olunub.
Azərbaycan ictimaiyyəti və beynəlxalq təzyiqin nəticəsi olaraq bu ilin iyununda həbsdən azad edilib.
