Bu gün gecə saatlarında dünya ulduzu J.Lo öz komandası ilə Bakıya gəlib. 60 nəfərlik komanda ilə paytaxtımızda qonaq olan Cenifer tamaşaçılar üçün eksklüziv şou nümayiş etdirəcək. Lopez sentyabrın 22-də Tofiq Bəhramov adına Respublika stadionunda, sentyabrın 23-də isə “Bakı Kristal Zalı”nda çıxış edəcək. Konsert proqramı saat 21:00-da başlayacaq. Hazırda isə ulduz Tofiq Bəhramov adına stadionda məşq edir (show.az).
***
Dünyaca məşhur səhnə ulduzu Cennifer Lopez Bakıdadır. Müğənninin Bakıda solo konsertini təşkil edən “Omnikomo Music Group”dan APA-ya verilən məlumata görə, bu gecə saatlarında öz komandası ilə Bakıya təşrif buyuran Cennifer Lopez hazırda istirahət edir. Səfər çərçivəsində müğənninin şəhərimizlə tanışlığı və gəzintiyə çıxması nəzərdə tutulur. O Bakı tamaşaçıları üçün eksklüziv şou hazırlayıb. Müğənni ilə birlikdə onun 60 nəfərlik komandası da Los-Ancelesdən Bakıya gəlib.
