“Xəzər Lənkəran” klubunun baş məşqçisi Yunis Hüseynov istefa verib.
Apasport.az saytının məlumatına görə, o, bu qərarını Premyer Liqanın IV turunun “Simurq”la təxirə salınmış oyunundan sonra açıqlayıb.
Qarşılaşmada 0:2 hesabı ilə uduzan cənub təmsilçisinin çalışdırıcısı bunu belə izah edib: “Bu görüşdə futbolçularımız çox pis oynadı. Hətta deyərdim ki, çox bərbad oynadılar. Tapşırıqlarım yerinə yetirilmədi. Belə məsələlərə həssas yanaşam adamam. Bu üzdən istefa verirəm. Ərizəmi yazıb, rəhbərliyə təqdim edəcəm”.
