Yaponiyanın maliyyə və poçt xidməti islahatları naziri Tadaxiro Matsusita bu gün evində ölmüş vəziyyətdə tapılıb. Tokio polisi bildirib ki, hadisənin dəqiq səbəbi hələlik bəlli deyil, amma nazirin özünü öldürdüyü şübhəsi var.
73 yaşlı Tadaxiro Matsusita Yeni Xalq Partiyasının üzvü olub, müxtəlif dövrlərdə nazir postu tutub. O, sosial sığorta, vergi, kosmos tədqiqatları, elmi-texniki siyasət nazirləri olub.
