“Sürət Hüseynovun oğlu Nail Hüseynov xırda xuliqanlıq və sərxoş vəziyyətdə ictimai yerdə asayişi pozduğuna görə 12 sutka azadlıqdan məhrum edilib”.
Bu barədə Gəncə şəhər Baş Polis İdarəsinin rəisi, general-mayor Rasim Musayev Modern.az-a eks-baş nazirin oğlunun saxlanılmasını şərh edərkən bildirib. Onun sözlərinə görə, N.Hüseynov sərxoş vəziyyətdə ictimai yerdə söyüş söyərək, insanlara qarşı qeyr-etik davranıb.
***
Dünən sabiq baş nazir Sürət Hüseynovun oğlu Nail Hüseynov Gəncədə “Ramada” oteldə həbs edilib.
Sürət Hüseynov Publika.Az-a bildirib ki, oğlunu təxribata çəkiblər. Oğlu evdə təmir getdiyi üçün hotelə çimməyə gedib. Qaldığı hoteldə yemək yediyi zaman qəfildən problemlə üzləşib. Ancaq qəlyanaltı üçün ondan 89 manat pul tələb edilib. Etiraz edən Nail Zeynalova polislər yaxınlaşıb. Ona ictimai asayişi pozduğunu, onlarla getməli olacağını deyiblər. Mübahisə böyüyüb deyə, Hüseynovu polislər zorla aparıblar.
Atası Sürət Hüseynov deyir ki, oğlunun hazırda harda olduğundan xəbərsizdir.
Onun fikrincə, hadisənin “Ramada” oteldə baş verməsi təsadüfi deyil.
