Erməni mətbuatı Kremlin Ramil Səfərovla bağlı gərginlikdən istifadə edə biləcəyini yazır
“Ermənistanda isterika başlanan kimi bilinməyən qüvvələr bundan istifadə etməyə çalışır. 2008-ci ilin martında siyasi ehtiraslar isterika həddinə çatanda kimsə Paronyan küçəsində 10 nəfəri öldürdü. Hadisədən 2 il sonra eks ölkə başçısı Robert Köçəryan öldürülən şəxslərin müxalifətçi, onlara atəş açanların da polis olmadığını dedi. Tarix təkrarlanır. Həmin bilinməyən qüvvələr azərbaycanlı zabit Ramil Səfərovun ölkəsinə ektradisiyasından sonra yenidən fəallaşıblar”. Bu barədə Ermənistanın müstəqil mövqeyi ilə tanınan “Lragir” qəzetində yayımlanan məqalədə deyilir.
Məqalədə deyilir ki, olay ətrafında yaranmış gərginlik fonunda Ermənistanın müharibəyə əl atacağına dair ehtimallar artıb. Bilinməyən qüvvələr bu dəfə müharibənin başlanmasını çox istəyir:“Kimlərsə Qarabağa silahlı qüvvələr çıxarıb bölgənin sahibi olduğunu göstərmək istəyir. Putin deyəsən Qarabağda yeni sərhədlərin çəkilməsinə çalışır. Rusiya prezidenti Ermənistanın qisas, Azərbaycanın isə cavab addımlar atmasını gözləyir. Və bundan istifadə edərək Qarabağa qoşun yeritsin, rus ordusu bölgəni nəzarətə götürsün”.
“Lragir” münaqişə zonasına təxribat xarakterli işlərin görüləcəyini də istina etməyib. Qəzet əlavə edir ki, Ermənistan hökuməti dərhal bəyanat yayaraq Qarabağda yeni silahlı münaqişənin başlanmasında maraqlı olmadığını bildirməlidir. Bölgədə bilinməyən hansısa qüvvənin tərəfləri münaqişəyə təhrik etdiyini söyləməlidir. Ancaq bu yolla təxribatın qarşını almaq və ya ondan yayınmaq olar. Əks halda Səfərovla bağlı gərginliyin artması Qarabağın yarısının itirilməsinə səbəb ola bilər.
