Avropa Şurası Yerli və Regional Hakimiyyətlər Konqresi Bakı rəhbərliyinin seçkilər yolu ilə formalaşdırılması, yəni mer seçkilərinin keçirilməsi məsələsini yenidən gündəmə gətirib.
Gunxeber.com-un bu barədə Strasburqdan aldığı məlumata görə, bu qurumda hesab edirlər ki, Azərbaycanın 2001-ci ildə AŞ-yə üzv olarkən Bakı meriyasının yaradılması ilə bağlı üzərinə götürdüyü öhdəliyi yerinə yetirməməsi ciddi problem və AŞ-nin standartlarına əməl etməməsidi.
Konqres yetkililəri bildirirlər ki, Cənubi Qafqazda ilk olaraq Gürcüstan bu istiqamətdə ciddi addım atıb. Ermənistan isə AŞ-nin isralı tələblərindən sonra bu öhdəliyi yerinə yetirib.
Azərbaycan isə hələ də Bakı rəhbərliyini Prezident Administrasiyasından, icra hakimiyyəti strukturundan asılı vəziyyətdə saxlamaqda davam edir.
Avropa Şurası Yerli və Regional Hakimiyyətlər Konqresi çox tezliklə Bakı meriyasının yaradılması, seçkilrin keçirilməsi və Bakı Böyük şəhər Bələdiyyəsinin yaradılması məsələlərinin bütün siyasi qüvvələrlə, vətəndaş cəmiyyəti institutunun təmsilçiləri ilə açıq müzakirələrə çıxarmağı, eləcə də ən qısa zamanda bu istiqamətdə real addımlar atmağı tələb edir.
Əks təqdirdə Bakının paytaxt rəhbərliyini öz nəzarətində saxlaması AŞ qarşısında götürülən öhdəliyin ciddi şəkildə pozulması kimi qiymətləndiriləcək və bu məsələ qurumun Parlament Assambleyasında müzakirəyə çıxarılaraq qərar qəbul ediləcək.
AŞ-dan Bakıda mer seçkisi tələbi
•
•
