Şirkət təyyarə bələdiçilərinin tələblərini qismən qəbul edib
Almaniyanın eləcə də dünyanın ən aparıcı hava yolu şirkəti “Lufhansa”nın Həmkarlar İttifaqı ilə maaş mübahisəsi qismən həllini tapıb. Dünən 24 saatlıq tətil çərçivəsində 1000-ə yaxın təyyarə bələdçisi və stüardesa şirkətin baş qərargahı qarşısına dinc yürüş edib. Xidmətçi heyətin iş yerinə gəlməməsi “Lufhansa”ya baha başa gəlib. Belə ki, şirkət personalın olmaması səbəbilə yüzlərlə hava reysini təxirə salmalı olub.
Təyyarə bələdçisi Volker Paşke iş yerlərini qorumaq üçün mübarizə apardıqlarını deyib:“Bir tərəfdən maaş çox aşağıdır, digər tərəfdən isə yaşayış xərcləri durmadan artır”
UFO həmkarlar ittifaqının sədri Nikoley Baublis gecə saatlarında şirkət rəhbərliyi ilə telefonla danışdığını və hər iki tərəfin, mübahisənin həlli üçün vasitəçinin çağrılmasına razılaşdığını diqqətə çatıdırb. Bir qədər sonra yayılmış məlumatda isə, şirkət rəhbərliyinin artıq etirazçıların bəzi tələblərini yerinə yetirməyə razılaşdığı bildirilir. İlk növbədə tətil edən işçilərlə daimi əmək müqavilələrinin bağlanılmasına razılıq verilib. Aviaşirkət iş vaxtının artırılması müqabilində maaşların 3.6 faiz artırmağı öhdəsinə götürüb. Əlavə edək ki, şirkətin həmkarlar ittifaqı 5 faizli maaş artırımına nail olmağa çalışırdı.
