Asiya-Sakit Okean İqtisadi Əməkdaşlıq Forumunun Vladivostokda keçirilən sammitində Rusiyanın xarici işlər naziri Sergey Lavrov və ABŞ-ın dövlət katibi Hillari Klinton arasında görüş olub. Rusiya XİN-in mətbuat xidmətinin yaydığı məlumata görə, görüş zamanı Dağlıq Qarabağ münaqişəsinin nizamlanması məsələsi də müzakirə olunub.
Görüş barədə açıqlama verən rusiyalı nazir Sergey Lavrovun sözlərinə görə, tərəflər ATƏT-in Minsk Qrupunun həmsədrləri kimi Dağlıq Qarabağ münaqişəsinin nizamlanmasına dair danışıqların bərpa edilməsi üçün səyləri davam etdirmək niyyətlərini ifadə ediblər.
