Şimal Alyansının rəhbəri Tbilisidə inamlı açıqlamalar verdi
NATO-nun baş katibi Anders Rasmussen Gürcüstana səfəri zamanı Tbilisini sevindirəcək bəyanat səsləndirib. O, Gürcüstan prezidenti Mixail Saakaşvili ilə birgə keçirdiyi brifinqdə bildirib ki, Gürcüstan mütləq NATO-nun üzvü olacaq. Tərəflər arasında görüş Tbilisidə media üçün qapalı keçirilib. Görüşdən sonra Saakaşvili və Rasmussen inamlı açıqlamalar səsləndiriblər.
Rusiya baş naziri Dmitri Medvedevin “2008-ci ildəki müharibənin məqsədi Gürcüstanın NATO-ya qəbulunu əngəlləmək idi” bəyanatını şərh edən Rassmusen etiraf edib ki, həqiqətən də o zaman bu plan zərbə altında qalıb. Alyans rəhbəri əlavə edib ki, Gürcüstanın NATO-ya qəbulunu heç kim əngəlləyə bilməz. Çünki bu, müəyyən tələbləri yerinə yetirən istənilən dövlətin haqqıdır.
