İsveçrə devrilmiş diktatora yaxın 17 rəsminin bank hesablarını dondurdu
İsveçrə hökuməti aralarında Misirin keçmiş baş nazirləri Atif Abid və Əhməd Nazifin də olduğu Mübarək rejiminin 17 əhəmiyyətli vəzifəlisinin bank hesablarını dondurub. Misirli rəsmilərinin sözlərinə görə, İsveçrə federal istintaq qrupunun Misirdəki dairələrlə ortaq icra etdiyi əməliyyat nəticəsində Mübarək rejimində yüksək post tutan 17 nəfərin haqsız və qeyri-qanuni yollarla qazanc əldə etdikləri təsbit olunub.
Bank hesabları dondurulanlar arasında eks baş nazirlərdən Atif Abid və Əhməd Naziflə yanaşı Hüsnü Mübarəkin xüsusi katibi Camal Əbdüləziz, keçmiş məskunlaşma naziri İbrahim Süleyman, biznesmen Hüseyn Salim və onun iki oğlunun da olduğu bildirilib. İsveçrə hökuməti bundan öncə də Hüsnü Mübarəkin bütün ailə üzvlərinin və ona yaxınlığı ilə bilinən bəzi iş adamlarının bank hesablarının dondurulduğunu açıqlamışdı. Yayıln son açıqlamada
İsveçrədə bank hesabları dondurulan misirlilərin sayı 31-ə çatıb.
Qeyd edək ki, bank hesabları dondurulan şəxslər Misir məhkəmələri tərəfindən qeyri-qanuni yollarla qazanc əldə etmə və qanunsuz yollarla xarici ölkələrə pul qaçırmada ittiham olunurlar. Misir hökumətinin sorğularına əsasən bir çox Avropa ölkəsi həmin şəxslərin bank hesablarını dondurub.
