Bu bəyanatla blokun rəhbəri Anders foq Rasmussen çıxış edib
“Gürcüstan mütləq NATO-nun üzvü olacaq”. Belə bir bəyanatla Gürcüstan prezidenti Mixail Saakaşvili ilə birgə brifinq zamanı NATO-nun baş katibi Anders foq Rassmusen çıxış edib. Onların görüşü Tiflisdə Prezident Sarayında keçirilib. Görüş media üçün qapalı olub.
Rusiya baş naziri Dmitri Medvedevin “2008-ci ildəki müharibənin məqsədi Gürcüstanın NATO-ya qəbulunu əngəlləmək idi” bəyanatını şərh edən Rassmusen etiraf edib ki, həqiqətən də o zaman bu plan zərbə altında qalıb. NATO baş katibi həmçinin qeyd edib ki, Gürcüstanın alyansa qəbulunu heç kim əngəlləyə bilməz. Çünki bu, müəyyən tələbləri yerinə yetirən istənilən dövlətin haqqıdır.
