Suriyanın dövlət informasiya agentliyi bildirir ki, silahlı şəxslər hökümətyönlü televiziyaya hücum edib, televiziyanın 3 əməkdaşını öldürüblər. SANA-nın yaydığı məlumata görə, Dəməşqdən 20 kilometr cənubda yerləşən Drouşa şəhərindəki İxbariya televiziyasına hücum iyunun 27-də səhər saatlarında baş verib.
Stansiyanın işçisi deyib ki, silahlılar televiziyanın iki binasına hücum edib, mühafizəçilərdən bir neçəsini tutublar, sonra isə stansiyanın bəzi hissələrini partladıblar.
İxbariya TV özəl qurum olaraq qeydiyyatdan keçsə də Bəşər Əsəd rejiminin ciddi tərəfdarıdır.
