“Toyumda heç bir foto və video çəkilişə icazə verilməyəcək”
Məşhur müğənni Xatirə İslam iyunun 11-də Bakıdakı məşhur restoranların birində özünə toy çaldıracaq. Bu barədə Lent.az-a müğənni özü məlumat verib. Çox xoşbəxt olduğunu deyən Xatirə İslam KİV mənsublarına ismarış da yollayıb. O bildirib ki, toyunda heç bir foto və video çəkilişə icazə verilməyəcək. Toydan sonra isə özü lazım olan kadrları jurnalistlərə təqdim edəcək: “Bütün jurnalist dostlarımdan üzr istəyirəm. Bu, qarşı tərəfin fikridir. Onun istəyinə də hörmətlə yanaşmalıyam. Gələcək həyat yoldaşım toyumuzun media tərəfindən işıqlandırılmasına icazə vermir. Ona görə də xahiş edirəm sizdən bu məsələni nəzərə alasınız”.
Sevdiyi şəxslə həyatını birləşdiyini deyən müğənni gələcək həyat yoldaşının kimliyini açıqlamayıb. Müğənni sevdiyi adamın onun sənətinə hörmətlə yanaşdığını, bundan sonra sənətini davam etdirməsinə icazə verdiyini söyləyib.
