Azərbaycanda polis mayoru özünü güllələyib. Balakən rayon Polis Şöbəsinin Dövlət Yol Polisi Bölməsinin rəisi, polis mayoru Asif Qasımov tabel silahı ilə başından atəş açaraq özünü öldürüb.
APA-nın məlumatına görə, hadisə Balakən rayonunda qeydə alınıb.
Mayorun özünə qəsd etməsinin səbəbləri barədə dəqiq məlumat yoxdur. Onun son vaxtlar sağalmaz xəstəliyə tutulduğu bildirilir. İntiharın ilkin səbəbi kimi bu göstərilir.
Faktla bağlı Balakən Rayon Prokurorluğu tərəfindən cinayət işi başlanıb, araşdırma aparılır.
