Kanada Xarici İşlər Nazirliyi Bəşər Əsəd rejiminə qarşı tətbiq etdiyi sanksiyalara yenilərini əlavə edib. Kanada hökuməti ötən gün Bəşər Əsədin həyat yoldaşı Əsma Əsədin də aralarında olduğu 12 suriyalı rəsmini və iki təşkilatı sanksiyalar tətbiq olunanların siyahısına əlavə edib. Xarici işlər naziri Con Bird İstanbula səfəri ərəfəsində yaydığı yazılı açıqlamasında “Əsəd mütləq getməlidir. Onun ailəsi və yaxınları Suriyada müdafiə oluna bilərlər. Ancaq beynəlxalq arenda əsla rahat ola bilməyəcəklər” deyib.
Bəşər Əsəd və onu dəstəkləyənlərin sabitlik əvəzinə zorakılığı seçdiyini bildirən nazir Kanadanın Suriya xalqının azadlığa qovuşması üçün müttəfiqləri ilə birlikdə hərəkət edəcəyini vurğulayıb. Yeni sanksiyalara görə, Əsma Əsəd və yaxınlarının Kanada ərazisindəki bütün mal varlıqları və bank hesabları dondurulur, onların ölkəyə girişinə qadağa qoyulur.
azadliq.info
