“Dedilər ki, saqqalarınızı qırxmalısınız, qırxmayınca, buraxmayacağıq”
Zaqatala rayonunda 3 nəfəri polis saxlayıb. Onların ikisi saqqalları qırxılandan sonra buraxsalar da, Muxax kənd sakini İslam Ağalarova 4 sutka həbs verilib.
Bu barədə “Azadlıq” radiosuna polisə aparıldıqlarını iddia edən Yuxarı Tala kənd sakinləri Vasif Balaşovla Kamil Süleymanov məlumat verib. Vasif Balaşov: «Bizi təxminən 4 saata yaxın saxladılar. Dedilər ki, bir uşaq bizdən qorxub, saqqalarınızı qırxmalısınız. Buna etiraz etdikdə, bizi həbslə hədələdilər. Dedilər, ümumiyyətlə, sizi rayondan çıxarmaq lazımdır. Saqqalımızı qırxmayınca, bizi buraxmayacaqlarını bildirdilər. Yalnız saqqallarımızı qırxandan sonra bizi buraxdılar».
Zaqatala rayon Polis Şöbəsindən isə həmin şəxslərin şöbəyə gətirilmədiyini, saqqallarının da polisdə deyil, bərbərxanada qırxıldığını deyiblər.
