Bu gün Bakıda Dənizkənarı Milli Parkda intihara cəhd olub. Hadisə şahidlərinin verdikləri məlumata görə, gənc oğlan Saat Qülləsinə çıxaraq özünü atmaq istəyib. Hadisə yerinə hüquq-mühafizə orqanlarının əməkdaşları və Fövqəlada Hallar Nazirliyinin xilasedici qrupu gəlib. Uzun danışıqlardan sonra intihar cəhdinin qarşısı alınıb və oğlanı qüllədən düşürmək mümkün olub.
ANS PRESS-in verdiyi məlumata görə, intihara cəhd edən şəxs Zaqatala rayon sakini 28 yaşlı Pərviz Mikayılov olub. İlkin dindirmə zamanı o polis haqqında şikayətinə baxılmadığını bildirib.
