Los-Ancelesdə 2 il əvvəl vəfat etmiş Maykl Ceksonun şəxsi həkimi Konrad Mürrey məhkəmə tərəfindən müğənninin ölümündə təqsirli bilinib.
APA-nın Reuters agentliyinə istinadən verdiyi məlumata görə, məhkəmənin qərarına əsasən, Mürreyin Ceksona verdiyi yüksək dozada yuxu dərmanı – propofol digər sakitləşdirici preparatlarla qarışaraq müğənninin ölümünə səbəb olub. Müdafiə tərəfinin vəkili Ed Çernoff Mürreyin təqsirli olmasına dair əsaslı dəlil olmadığını bildirərək deyib ki, Cekson həkimin xəbəri olmadan dərmanları qəbul edib. Hökm oxunandan dərhal sonra Konrad Mürrey məhkəmə zalında həbs olunub. Xatırladaq ki, M.Cekson 2009-cu il iyunun 25-də 51 yaşında dünyasını dəyişib.
