“Eurovision” qələbəmiz Bakıda belə qeyd olundu (FOTO)

Azərbaycanın “Eurovision-2011” yarışmasında birinci yer tutması Bakıda dərhal coşqu yaradıb. Sosial şəbəkələrdə təmsilçilərimiz Eldar və Nigarın Dusseldorfda qazandığı uğur artıq geniş müzakirə mövzusuna çevrilib. Bakının mərkəzi meydanında, Azadlıq meydanında isə bir qrup insan “Eurovision” qələbəmizi xüsusi sevinclə qeyd ediblər. Bəzi gənclər də avtomobillərlə Bakının mərkəzi küçələrində “bayram yürüşü” həyata keçiriblər. Sevincindən maşının damına oturan, hətta köynəyini çıxarıb yelləyən gənclər də olub.