“Bu, bir qrup məmurun vəhşiliyi deyil, rejimin mahiyyətidir”
AXCP sədri Əli Kərimli REAL hərəkatının sədri İlqar Məmmədova qarşı baş verənlərə sərt reaksiya verib. Əli Kərimli özünün Facebook səhifəsində yazır:
“REAl hərəkatının sədri İlqar Məmmədovun həbsxanada qəddarlıqla döyülməsi təkcə bir qrup məmurun vəhşiliyi deyil, rejimin mahiyyətidir. Təəssüf ki, siyasi rəqibilə təpik və yumruq dili ilə danışan təfəkkür sahiblərindən hələ də islahat gözləyənlər var.
Əmin olun ki, bu davranışla İlqar bəyi deyil, özünüzü alçaltdınız. Kaş ki, bu anti-insani, zorakılıq siyasətiniz millətin və dövlətin başında çatlamasın”!