ABŞ Dövlət katibi Con Kerri Türkiyənin baş naziri Davutogluna zəng edərək Türkiyənin Suriyaya – İslam Dövləti yaraqlılarına qarşı qoşun yeritmək istəməməsini müzakirə edib. İD Kobani şəhərini tutsa, bütünlüklə Suriya-Türkiyə sərhəddini nəzarətə götürəcək.
Təhlilçilərin fikrincə, Türkiyənin Suriyaya qoşun yeritmək istəməməsi Kobani kürdlərinin Türkiyədə hökumətə qarşı 30 il vuruşan kürd yaraqlıları ilə əlaqəli olmasıdır.
Oktyabrın 8-də Fransa prezidenti Olland Türkiyə prezidenti Ərdogana bildirib ki, o, Türkiyə qoşunlarının sərhəddin Suriya tərəfində yerləşdirilməsi ideyasını dəstəkləyir. Bununla Türk qoşunları bufer zona yarada bilər.Bu da münaqişədən qaçanlar üçün sığınacaq ola bilər.
Ərdogan deyib ki, Kobani İD yaraqlılarına təslim olmaq riski ilə üz-üzədir. Ancaq Türkiyə Suriyaya qoşun göndərmək fikrində deyil.