Reuters agentliyinin xəbərində deyilir ki, beləliklə Rusiya Britaniyada sanksiyalanmış ölkələr arasında Liviya və İranı geridə qoyub
Britaniya hökuməti noyabrın 10-da bəyan edib ki, Rusiya oliqarxlarına və Moskvanın Ukraynaya əsassız və səbəbsiz müdaxiləsinə görə sanksiyalanmış başqa şəxlərə məxsus 20.5 milyard dollarlıq aktivləri dondurub.
Reuters agentliyinin xəbərində deyilir ki, beləliklə Rusiya Britaniyada sanksiyalanmış ölkələr arasında Liviya və İranı geridə qoyub.
Britaniya Maliyyə Nazirliyinin illik hesabatında deyilir ki, hazırda Rusiyanın Britaniyada dondurulmuş aktivlərinin məbləği, üzərinə sanksiyalar qoyulmuş bütün ölkələrin aktivlərindən 6 milyard funt sterlinq çoxdur.
Britaniya bu il Rusiya oliqarxı Roman Abramoviç və biznesmen Mixail Fridman, habelə Vladimir Putin, onun ailə üzvləri və hərbi komandanları üzərinə sanksiyalar qoyub.
Bu da xəbər verilir ki, dondurulmiuş aktivlərə şirkətlərdəki səhm payları və bank hesablarında saxlanan pullar da daxildir.
Eyni zamanda qeyd olunur ki, dondurulmuş aktivlərə daşınmaz mülkiyyət və ya yaxtalar kimi mülkiyyət daxil deyil.
1200 rusiyalı, 120-dən çox Rusiya şirkəti
Britaniya hökuməti Rusiyanın bu ölkəyə ixracının 85 faizinə sansksiyalar qoyub.
Britaniya Rusiyadan qaz və neft alınmasını bu ilin sonlarınadək tamamilə dayandıracağını bəyan edib.
London açıq bəyan edir ki, bütün bu sanksiyalar Rusiyanın Ukraynaya müdaxiləsinə görədir.
Britaniya indiyədək 1200 rusiyalıya və 120-dən çox Rusiya şirkətinə sanksiyalar qoyub.
Qərbin Rusiyaya qarşı sanksiyalarına habelə Rusiyaya avtomobilqayırma sənayesi üçün ehtiyat hissəslərin ixracı daxildir.
Rəsmilər bildirirlər ki, bu sanksiyalara görə Rusiya hazırda özünün Lada avtomobillərini təhlükəsizlik yastıqları və kilidlər olmadan istehsal etməyə məcburdur.
Azadlıq radiosu