“İndi işğalçıların daha Ukrayna torpağında qalmayacağından əminik”, – Zelenski deyib
Britaniyanın Baş naziri Liz Trass deyir ki, ölkəsinin gələn il Ukraynaya hərbi yardımı builki 2.3 milyard funt-sterlinqə (2.63 milyard dollar) çatacaq, yaxud bu məbləği keçəcək. Məlumatı sentyabrın 20-də Trassın ofisi yayıb.
Bəyanatda deyilir ki, Britaniyanın Ukraynaya hərbi dəstəyinə yaylım atəşi sistemi kimi avadanlıq daxil ola bilər.
“Ukraynanın son həftələrdəki qələbələri ruhlandırıcı olub”, – bəyanatda vurğulanır. Son günlər Kiyev qüvvələri ildırımsürətli əkshücumla Rusiya qüvvələrini Xarkov vilayətindən əsasən çıxarıb.
“Mənim Ukrayna xalqına mesajım belədir: Böyük Britaniya yolun hər addımında yanınızda olacaq. Sizin təhlükəsizliyiniz bizim təhlükəsizliyimizdir”, – Trass bildirib.
Azadlıq radiosu
