“Balanslı reportajı saytlarımızdan çıxarmaq üçün təzyiqə boyun əyməyəcəyik, istər Kremldən olsun, istər Qırğızıstan hökumətindən”, – Flay vurğulayıb.
Qırğızıstan hökuməti AzadAvropa/AzadlıqRadiosunun qırğız xidmətinin, Radio Azattyk-ın vebsaytına girişi bloklayıb. Səbəb radionun Tacikistanla sərhəd toqquşmaları haqda videosunu silməkdən imtinasıdır.
İnformasiya Nazirliyi oktyabrın 26-da bildirib k, Radio Azattyk-ın vebsaytına giriş iki aylığa bloklanır. Qurum bu addımı ölkənin “milli maraqlarına zidd etibarsız materiallara cavab olaraq” atıldığını, 14-17 sentyabr hadisələri haqda informasiyanın dəqiq olmadığını bildirir.
AzadlıqRadiosunun Prezidenti Ceymi Flay qərardan şikayət veriləcəyini açıqlayıb.
Bu ayın əvvəlində AzadlıqRadiosunun Bişkek bürosunun qarşısında etiraz aksiyası keçirilib, etirazçılar hökuməti bu xidməti və digər müstəqil media orqanlarını bağlamağa çağırıblar.
“Bu hərəkətlər ölkədə media mühitinin pisləşməsinin əlamətləridir”, – AzadlıqRadiosunun bəyanatında vurğulanır.
Azadlıq radiosu
