Abşeron rayonunun Xırdalan şəhərində atışma baş verib.
“Report” xəbər verir ki, Quşçuluq massivində iki nəfər şübhəli şəxs saxlanılan zaman hüquq-mühafizə orqanları əməkdaşlarına silahlı müqavimət göstərib.
Nəticədə onların hər ikisi zərərsizləşdirilib. Onların üzərinə baxış zamanı silah-sursat aşkar edilib.
Faktla bağlı araşdırma aparılır.
Qeyri-rəsmi xəbərə görə, Xırdalandakı əməliyyat iki gün əvvəl etap zamanı qaçan məhbusların axtarışı ilə bağlı aparılıb. Əməliyyat zamanı zərərsizləşdirilən şəxslərin adları açıqlanmayıb.
