“Xəzər” Universitetinin qarşısında, Məhsəti küçəsi 41-də yerləşən parkı dağıdaraq yerində restoran tikirlər. Bu barədə məlumatı 24saat.org-a “Xəzər” Universitetinin tələbələri verib. Onların sözlərinə 800 kvadratmetr ərazisi olan parkın abadlaşdırılmasında universitetin də əməyi olub. ”Amma indi parkı dağıdırlar. Bilmirik kimlərdir. Məlum olan odur ki, burada iki mərtəbəli restoran tikiləcər”,- deyə tələbələr bildirib.
Tələbələr deyib ki, tikinti aparanlar ərazidə xeyli ağac kəsib: ”Burda xeyli sayda küknar ağacları var. Uf demədən kəsirlər. Bundan başqa tikintiyə görə universitetdə dəsr keçmək mümkün deyil. Səs-küydən auditoriyada müəllimi dinləmək olmur. Nədənsə, müvafiq qurumlar heç bir tədbir görmürlər”.
Tələbələr ərazidən çəkdikləri fotoları da redaksiyamıza göndərib. Həmin fotoları təqdim edirik.
