Bakı-Qazax magistral yolunun Göygöldən keçən hissəsində ölümlə nəticələnən yol-nəqliyyat hadisəsi baş verib.
Bu haqda məlumat Daxili İşlər Nazirliyinin saytında yerləşdirilib. Məlumatda bildirilir ki, martın 1-də saat 01 radələrində Göygöl rayonunun Topalhəsənli kəndində kənd sakini İsgəndər İsgəndərovun idarə etdiyi “VAZ-2106” və Gürcüstan vətəndaşı Ərzixan Süleymanovun idarə etdiyi “MAN” markalı avtobus toqquşub.
Nəticədə xəstəxanaya yerləşdirilən İ.İsgəndərov orada ölüb.
Faktla bağlı Baş Dövlət Yol Polis İdarəsində araşdırma aparılır.
