Fevralın 18-i səhər saatlarında Türkiyədə daha bir terror törədilib. Hadisə Diyarbəkirdə baş verib.
Diyarbəkir-Bingöl magistralında minaaxtaran hərbçilərin olduğu zirehli maşın partladılıb. PKK-nın yola basdırdığı mina zirehli maşın oradan keçərkən işə salınıb. Partlayış nəticəsində 6 hərbçi həlak olub, 1-i isə yaralanıb. Yaralı tibbi helikopterlə Diyarbəkir Hərbi Xəstəxanasına aparılıb.
Partlayışın təsirindən yolda böyük çuxur əmələ gəlib. Magistral nəqliyyatın hərəkətinə bağlanıb.
