Binəqədi rayon icra başçısının müavini postuna təyinat almaq üçün Ailə, Qadın və Uşaq Problemləri üzrə Dövlət Komitəsinin sabiq Aparat rəhbərinə 170 min dollar rüşvət verən, amma aldadılan Eynar Kərimov hazırda müəllim işləyir.
Bu haqda Modern.az saytına məlumat verən vəkil Adəm Məmmədov bildirib ki, həmin şəxs bir müddət biznes fəaliyyəti ilə də məşğul olub:
“Hüquqlarını müdafiə etdiyim şəxs Qubadlı rayon icra başçısının təqdimatı ilə Prezident yanında Dövlət İdarəçilik Akademiyasını bitirib. Hazırda müəllim kimi çalışır. 45 yaşlı müvəkkilim həm də Qarabağ müharibəsi veteranıdır”.
A.Məmmədov bildirib ki, Ailə, Qadın və Uşaq Problemləri üzrə Dövlət Komitəsinin sabiq Aparat rəhbəri Səfər İmanovun dələduzluq əməlləri ilə əlaqədar araşdırmalar davam etdirilir. Səfər İmanov Azərbaycandan qaçaraq, xaricdə gizlənir.
