Taliban Əfqanıstanın mərkəzində yerləşən Qəzni şəhərindəki həbsxanaya hücum edərək, yüzlərlə məhbusu azadlığa buraxıb.
Qəzni valisinin müavini Mohammad Ali Ahmadi deyib ki, hücumçulardan biri sentyabrın 14-də özünü həbsxananın darvazası qarşısında partladıb, digərləri isə içəri soxulub.
Onun sözlərinə görə, ümumilikdə 400-dən çox məhbus qaçıb. Onlardan 80-i tutulub, azı 352-si isə qaça blib.
Ahmadinin dediyinə görə onlardan təxminən 150-si talibançılardır.
Amma Ahmadi bundan bir gün əvvəl 20 ən təhlükəli məhbusun davaya görə başqa yerə köçürüldüklərini deyir.
Hücum zamanı 7 talibançı və 4 təhlükəsizlik əməkdaşının öldürüldüyü bildirilir.
Reuters-in hadisə yerində olan müxbiri də demək olar ki, bütün məhbusların qaçdığını bildirir.
Hücum zamanı həmçinin 7 polisin yaralandığı xəbər verilir.
Hücumçular hərbi formada olublar.
Talibanın sözçüsü Zabihullah Mujahid də hücumu təsdiqləyib. Onun sözlərinə görə, hücumçuların içində 3 intiharçı olub.
