Bu gün Şabran rayonunda ölümlə nəticələnən bədbəxt hadisə baş verib. Lent.az Fövqəladə Hallar Nazirliyinin saytına istinadən xəbər verir ki, “112” qaynar telefon xəttinə rayon ərazisindəki süni göldə (ən yaxınlıqdakı xilasetmə məntəqəsindən 83 km aralı, nəzarətsiz ərazidə) 1999-cu il təvəllüdlü Mövludov Murad Ruslan oğlunun batması haqqında məlumat daxil olub. M.Mövludovun cəsədi xilasedicilər tərəfindən tapılıb çıxarılaraq aidiyyəti üzrə təhvil verilib. Əməliyyat saat 18:35-də başa çatıb.
