Almaniyanın Hamburq şəhəri yaxınlığındakı Elmsorn qəsəbəsində maraqlı futbol matçı keçirilib. Apasport.az saytının məlumatına görə, oyunda Almaniyada xidmət edən din xadimləri üz-üzə gəliblər. Müsəlman mollalarla xristian keşişlərin qarşılaşdığı “Abraham kuboku” adlanan oyunda müsəlman din xadimləri 6:1 hesabı ilə qələbə qazanıblar.
Olduqca maraqlı və centlmen şəraitdə keçən oyunda hakim bir dəfə də olsun cərimə zərbəsi təyin etməyib. Oyun 30 dəqiqədən ibarət iki hissədən ibarət olub.
