Binəqədidə yanmış binada aparılan təmir-bərpa işləri 5 aya yekunlaşacaq. Bunu baş nazirin müavini Abid Şərifov deyib. O, həm də yanğınla əlaqədar yaradılan Dövlət Komissiyasının sədridir.
Təmirə mayın 22-dən başlanıb. Bunun üçün 3 milyon manat ayrılıb.
Mayın 19-da Bakının Binəqədi rayonundakı 16-mərtəbəli yaşayış binasında yanğın olub. 15 nəfər ölüb, onlarla yaralı müxtəlif xəsarətlərlə xəstəxanalara yerləşdirilib.
