İraqın keçmiş diktatoru Səddam Hüseynin qızı Raqhat Hüseyn İraqda baş vermiş son hadisələrə münasibət bildirib.
Avropa.info-nun xarici KİV-ə istinadən verdiyi xəbərə görə, İordaniyada mühacir həyatı yaşayan Raqhat Hüseyn hazırda atasının edam olunması ilə bağlı aparılan araşdırmalarda iştirak edən vəkil heyətinə rəhbərlik edir. Diktatorun qızı İŞİD-in İraqda həyata keçirdiklərinə sevindiyini bildirib:
“İraqda qazanılan zəfərlər məni çox xoşbəxt edir. İzzət İbrahimin (Səddam Hüseynin sağ əli) üsyançılara qoşulmasına çox sevindim. Çox istəyirəm, bir gün İraqa dönüm. Tiqritin azad olunmasına çox şükür edirəm”.
