Avtobus terminalında güclü yanğın olub
Cənubi Koreyanın paytaxtı Seul yaxınlığında avtobus terminalında baş verən güclü yanğın azı 7 nəfərin ölümünə səbəb olub.
Daha 20 nəfərin də xəsarət aldığı bildirilir. Onlardan ikisinin vəziyyəti ağır olduğundan, ölənlərin sayının artacağı istisna edilmir.
“Renhap” agentliyinin məlumatına görə, Seulun peyk-şəhəri sayılan Koyan şəhərciyində baş verən yanğın artıq nəzarət altına alınıb.
İlkin versiyaya görə, yanğına avtovağzal ərazisində aparılan qaynaq işləri zamanı ətrafa saçılan qığılcım səbəb olub.
