AXCP yaydığı bəyanatda Pərviz Həşimlinin həbsini belə dəyərləndirib
Bakı Ağır Cinayətlər Məhkəməsinin tanınmış jurnalist Pərviz Həşimlini 8 il azadlıqdan məhrum etməsiylə bağlı hökmünü AXCP də siyasi sifariş kimi dəyərləndirib. Partiyanın bununla bağlı qəbul etdiyi bəyanatda deyilir: “Mayın 15-də Azərbaycan məhkəmələrində növbəti siyasi qərar qəbul edildi. MTN-in şərləyərək həbs etdiyi jurnalist, hüquq müdafiəçisi, AXCP Ali Məclisinin üzvü Pərviz Həşimli 8 il azadlıqdan məhrum edildi. Bu məhkəmə prosesi açıq sübut elədi ki, Pərviz Həşimlinin həbsi və MTN-in təcridxanasında işgəncəyə məruz qalması, hakimiyyətin siyasi iradəsi ilə həyata keçirilib. Pərviz Həşimlidən AXCP sədri Əli Kərimliyə qarşı ifadə almağa çalışıblar. Yalnız Pərviz bəyin yüksək iradə nümayiş etdirməsi hakimiyyətin çirkin niyyətinə çatmasına imkan verməyib. Azərbaycan Xalq Cəbhəsi Partiyası bəyan edir ki, ölkənin AŞ Nazirlər Komitəsinə rəhbərlik etməyə başladığı günlərdə hölumətin bu cür addımlar atmağı, yerli və beynəlxalq ictimaiyətə , habelə ölkənin qanunlarına Konstitutsiyasına, qoşğulduğu müvafiq beynəlxalq konvensiyalara meydan oxumaqdır. Partiya bildirir ki, bu günə qədər olduğu kimi Pərviz Həşimlini sonadək müdafiə edəcək və bütün dünyanı bu siyasi cinayətin ifşa olunmasına səfərbər edəcək. Eyni zamanda AXCP hakimiyyəti bu çirkin əməllərdən və cəmiyyəti qanundan kənar müstəviyə cəlb etməkdən çəkinməyə çağırıb”.
