“Azadlıq”a gələn şikayət məktubları sırasına yeni bir mövzu da əlavə olunub. May ayında keçiriləcək “Gül bayramı”na görə pul yığılmasından narazılıq edən valideynlər bildirir ki, bəzi orta məktəblər sinifdəki hər şagirddən 1 manat alınır.
Təhsil Nazirliyinin ictimaiyyətlə əlaqələr sektorunun rəhbəri Bayram Hüseynzadə “Azadlıq”a açıqlamasında bildirib ki, məsələ araşdırılacaq və bu barədə mətbuata məlumat veriləcək: “Təhsil Nazirliyinin təhsil müəssisələrilə bağlı heç bir valideynin köməyinə ehtiyacı yoxdur. Bütün ehtiyacları dövlət ödəyir. Amma ”Gül bayramı”yla əlaqədar məktəblərdə pul yığılması məsələsini aydınlaşdırandan sonra məlumat verə bilərik”.
İnformasiya şöbəsi
